Olımpıada-2018: Germanııa kósh tizginin berer emes

PHENChHAN. QazAqparat - Ońtústik Koreıanyń Phenchhan qalasynda ótip jatqan Olımpıada oıyndarynda Qazaqstan quramasy bir qola medalmen jalpy esepte 19-shy orynda keledi, dep habarlaıdy QazAqparat tilshisi.

Búgin Phenchhanda ótip jatqan Olımpıada oıyndarynda Qazaqstan bir qola medalmen keshegi ornyn saqtap tur. Qazaq eliniń ózge sportshylary ázirge frıstaılshy ıÝlııa Galysheva jeńip alǵan jalǵyz qola medaldan basqa kórsetkishterge qol jetkize alǵan joq.

Dál qazirgi kórsetkish boıynsha, jalpy esepte Germanııa quramasy kósh tizginin bermeı keledi. Olar búgin altyn medaldar sanyn 7-ge jetkizdi. Al oǵan 2 kúmisti jáne 3 qola medaldi qosyldy. Osylaısha altyn medaldar sany jaǵynan da, jalpy medaldar sany jaǵynan da Germanııa quramasy kósh basynda keledi.

Ekinshi orynda - Nıderlandy eliniń sportshylary tur. Al búgin úzdik úshtikke jalpy medaldar sany boıynsha AQSh quramasy kóterildi. Olar medaldar sanyn 4 altyn, 1 kúmis, 2 qolaǵa tolyqtyrdy. Al keshe ǵana úzdik úshtikti túıindep turǵan Norvegııa komandasy búgin birde-bir medalǵa qol jetkize almaı tórtinshi orynǵa syrǵydy. Olardyń enshisinde 3 altyn, 5 kúmis, 3 qola medal bar. Sondaı-aq, úzdik besinshi orynda 3 altyn, 4 kúmis, 3 qola medalmen Kanada quramasy kele jatyr.