Olımpıada-2018: Germanııa áli kósh bastap keledi
PHENChHAN. QazAqparat - Ońtústik Koreıada ótip jatqan Olımpıada oıyndarynyń toǵyzynshy jarys kúniniń nátıjeleri boıynsha Qazaqstan jalpy esepte 24-shy orynǵa syrǵydy, dep habarlaıdy QazAqparat tilshisi.
Ázirge Qazaqstan quramasynda frıstaılshy ıÝlııa Galysheva jeńip alǵan jalǵyz qola medaldan basqa júlde joq.
Búgingi kúnniń jalpy qorytyndysy boıynsha jalpy esepte birinshi orynda áli Germanııa quramasy kósh bastap keledi. Olar 9 altyn, 4 kúmis jáne 4 qola (17) medalmen ózge qarsylastarynan oq boıy ozyq tur. Alaıda, ekinshi orynda kele jatqan Norvegııa quramasy jalpy medaldar sany jaǵynan birinshi turǵanymen, altyn medaldar sany jaǵynan Germanııa sportshylarynan qalyp keledi. Olardyń enshisinde ázirge 7 altyn, 8 kúmis jáne 7 qola jalpy (22) medal bar.
Al úzdik úshinshi oryndy Nıderlandy eliniń quramasy túıindep tur. Olardyń enshisinde 6 altyn, 5 kúmis jáne 2 qola medal bar. Al tórtinshi orynda kele jatqan Kanada quramasynyń enshisinde 5 altyn, 5 kúmis jáne 5 qola medal bolsa, úzdik bestikti túıindep turǵan AQSh quramasynyń qorjynynda 5 altyn, 2 kúmis jáne 2 qola medal bar.
Esterińizge sala keteıik, 9-shy aqpanda alaýy tutanǵan Aq Olımıada oıyndaryna Qazaqstan 57 joldama jeńip alǵan bolatyn. Olar sporttyń 9 túrinen el namysyn qorǵap jatyr. Al, jalpy Olımpıada oıyndarynda sporttyń 15 túrinen 102 madal jıyntyǵy sarapqa salynady. Jarys 25-shi aqpanda óz máresine jetedi.
