Olımpıada-2018: Eń kóp medal qaı sport túrinde sarapqa salynady

ASTANA. QazAqparat - Ońtústik Koreıanyń Phenchhan qalasynda ótetin XXIII qysqy Olımpıada oıyndarynda eń kóp medal konkı sportynan sarapqa salynady, dep habarlaıdy QazAqparat tilshisi.

Aq Olımpıadada sporttyń 15 túrinen 102 medal jıyntyǵy oınatylady. Osy sport túrleriniń ishinde eń kóp medaldar konkı tebý sportynan  bolsa (14 medal), eń az medal skeleton men hokkeı sportynan (eki-ekiden).

Odan keıingi medaldar ret-retimen shańǵy jarysynan - 12, bıatlon men taý shańǵy sportynan - 11, snoýbord pen frıstaıldan - 10, short-trekten - 8 medal sarapqa salynady. Al mánerlep syrǵanaýdan  -5, tramplınnen sekirý men shana sportynan 4 medaldan oınatylady. Sondaı-aq, bobsleı, kerlıng jáne shańǵy qossaıysynan úsh-úshten medaldar jıyntyǵy sarapqa salynady.

Esterińizge sala keteıik, Qazaqstan quramasy Qysqy Olımpıadada sporttyń 9 túrinen el namysyn qorǵaıdy. HHІІІ qysqy Olımpıada oıyndary 9-25 aqpan aralyǵynda Ońtústik Koreıanyń Phenchhan qalasynda ótedi.