Olımpıada-2018: Ekaterına Aıdova 21-shi orynǵa ıe boldy
PHENChHAN. QazAqparat - Ońtústik Koreıanyń Phenchhan qalasynda ótip jatqan HHIII qysqy Olımpıada oıyndarynda konkı sportynan synǵa túsken otandasymyz Ekaterına Aıdova jarysty 21-shi orynmen aıaqtady , dep habarlaıdy QazAqparat tilshisi.
Ol búgin áıelder arasynda ótken 500 metr qashyqtyqta baq synady. Otandasymyz atalǵan qashyqtyqty 38,96 sekýndta júgirip ótti.
Bul synda bas júldeni japonııalyq Nao Kodara, kúmisti Ońtústik Koreıa sportshysy Sang Hva Lı (+0,39) jáne qola medaldi Chehııadan kelgen sportshy Karolına Erbanova (+0,40) jeńip aldy.
Esterińizge sala keteıik, búgin shańǵydan erler arasyndaǵy estafetalyq jarysta Qazaqstannan Alekseı Poltoranın, Vıtalıı Pýhkalo, Evgenıı Velıchko jáne Denıs Volotka synǵa túsip, nátıjesinde 8-orynǵa ıe boldy. Sondaı-aq, búgin taý shańǵyshy Igor Zakýrdaev alyp slalomnan saıysqa túsip, jarysty 51-shi orynda aıaqtady.
