Olımpıada-2018 bıletteriniń 60%-ten astamy satyldy

ASTANA. QazAqparat - Koreıa Respýblıkasynda ótetin 2018 jylǵy qysqy Olımpıada oıyndarynyń 655 myń bıleti, ıaǵnı 61%-i satyldy, dep habarlaıdy BELTA .

Olımpıada Phenchhan qalasynda 9-25 aqpan kúnderi ótedi. Uıymdastyrýshylar bıletter alǵashqy kúnderi az ótkenimen, Olımpıadalyq alaý estafetasynan soń  birshama kóp satylǵan.

Satylǵan bıletterge qaraǵanda, jankúıerler arasynda sporttyń taý shańǵysy (osy sport túrine shyǵarylǵan bıletterdiń 81%-i satylǵan), shańǵymen júgirý (79%), konkımen syrǵanaý (74%) jáne bobsleı (70%) sııaqty túrleri meılinshe tanymal bolyp otyr.

Ashylý saltanatyna shyǵarylǵan bıletterdiń 67%-i satylǵan. Jankúıerler 9-18 naýryzda ótetin Paralımpıadalyq oıyndardyń 37% bıletin alǵan.