Olımpıada-2018: Aıza Mambekova qysqa baǵdarlamada óner kórsetti
PHENChHAN. QazAqparat - Búgin Ońtústik Koreıanyń Phenchhan qalasynda ótip jatqan XXІІІ qysqy Olımpıada oıyndarynda Aıza Mambekova qysqa baǵdarlamada óner kórsetti, dep habarlaıdy QazAqparat tilshisi.
Qazaqstandyq mánerlep syrǵanaýshy muz aıdynǵa 9-shy bolyp shyǵyp, 44.40 upaı enshiledi. Endi ol erteń erkin baǵdarlamada jarysty ary qaraı jalǵastyrý úshin jarysqa qatysyp jatqan 30 sportshynyń ishinen úzdik 24 orynǵa kirýi kerek.
Aıta keteıik, sanaýly mınýttardan keıin, jarys alańyna taǵy bir otandasymyz Elızabet Tursynbaeva shyǵady. Ol muz aıdynda 23-shi bolyp óner kórsetedi.
