Olımpıada-1952 shyraǵdany Helsınkıde 134 myń eýroǵa satyldy
ASTANA. QazAqparat - Fınlıandııa astanasynda 1952 jyly sol elde ótkizilgen Jazǵy Olımpıada oıyndarynyń shyraǵdany satyldy, dep habarlaıdy ITAR-TASS.
«ıÝLE» telekompanııasynyń habarlaýynsha, satylym 90 myń eýrodan bastalǵan, keıin onyń baǵasy 134 myń eýroǵa deıin jetken.
Fakel sol jyldardan beri tazalanbaǵan, tipti jónge keltirilmegen, degenmen lottyń syrt pishini óte jaqsy dep baǵalandy.
«Shyraǵdannyń syrtynda kúıe bar jáne azdap syzylǵan», - deıdi «Holmasto» bankırlik úıiniń dırektory Krıstıan von Shants.
Buǵan deıin shyraq Olımpıada estafetasyn uıymdastyrǵan laýazymdy tulǵanyń jeke kollektsııasynda jatqan.
«1952 jylǵy oıyndarda bar-joǵy 22 fakel jasalǵan. Álemde onyń sany shekteýli bolǵandyqtan, bul onyń qundylyǵyn joǵarylatady», - dep jazady «ıÝLE» telekompanııasy.
Tilshilerdiń málimetteri boıynsha, atalmysh shyraǵdanmen Helsınkı stadıonynda ataqty jelaıaq Paavo Nýrmı Olımpıada alaýyn tutatqan. Degenmen ony dáleldeıtin eshbir aıǵaq joq.
Aıta keteıik, Helsınkı Olımpıadasynda KSRO quramasy alǵash ret olımpıada oıyndaryna qatysqan bolatyn.
