«Olımp» býkmekerlik keńsesiniń 145 mlrd teńge salyqtyq bereshegi bar
Prokýratýra «Olımp» degen ortaq taýar belgisimen jumys jasaıtyn «Olımp.kz» býkmekerlik keńsesi JShS men «Alpha-bet» JShS qyzmetine salyqtyq tekserý júrgizdi.
Qalalyq Memlekettik kirister departamenti atalǵan JShS-nyń sońǵy 5 jyldaǵy oıyn bıznesindegi qyzmetin, qarjylyq aınalymyn 5 aı boıy tekserdi.
Salyqtyq tekserý nátıjesinde aıyppuldar men ósimpuldardy qosqanda «Olımp.kz» býkmekerlik keńsesi JShS 62 mlrd teńge, «Alpha-bet» JShS-nyń 83 mlrd teńge kóleminde salyqtyq bereshegi bar ekendigi belgili boldy.
Munyń aldynda Ulttyq qaýipsizdik organdary men prokýratýra «Olımp» býkmekerlik keńsesiniń qyzmetinen Qazaqstannan zańsyz aqsha shyǵarý joldaryn áshkerelegen bolatyn.
Osyǵan baılanysty zańsyz oıyn bıznesin uymdastyrýǵa qatysty sotqa deıingi tergeý jumystary bastaldy.
Almaty mamandandyrylǵan aýdanaralyq soty «Onlybet» jáne «Alpha-bet» JShS lıtsenzııasyn toqtatý týraly sheshim qabyldady.