Ólim jazasyna kesilgenine qaramastan, Tsarnaevtyń ústinen jańa is qozǵaldy
ASTANA. QazAqparat - Bostonda lańkestik jasaǵany úshin ólim jazasyna kesilgen Djohar Tsarnaev jańa qylmystyq istiń fıgýranty bolýy múmkin.
Amerıkalyq Mıddlseks okrýginiń prokýratýrasy aǵaıyndy Tsarnaevtarǵa lańkestikten keıin qylmyskerlerdiń izine túsken polıtseı Shona Koleny óltirdi degen kúdik taǵyp otyr.
Qazir Djohar Tsarnaev Kolorado shtatyndaǵy erekshe rejimdegi túrmede jatyr. Ólkelik prokýror Merıan Raıan tergeý sharalaryn júrgizý úshin Tsarnaevty Massachýsets shtatyna qaıtarýdy josparlaýda. Prokýror habarlaǵandaı, qazirgi ýaqytta federaldyq úkimetke saýal ázirlenýde.
Quqyq salasyndaǵy sarapshylar federaldyq sot ólim jazasyna kesken jazasyn óteýshige jergilikti bılik qosymsha aıyp taqqan jaǵdaıdy buryn-sońdy kezdestirmegenin aıtady, dep habarlady RIA Novostı.
Alaıda Mıddlseks prokýrorlary 21 jastaǵy Tsarnaev asa aýyr qylmysqa aıypty retinde sot aldynda jaýap berýi tıis dep sanaıdy.
