Ólim jazasyna baılanysty Bangladeshte 42 adam óltirildi
ASTANA. 2 naýryz. QazAqparat - Bangladashte «Djamaat-ı-Islamı Bangladesh» oppozıtsııalyq ıslam partııasynyń kóshbasshylarynyń biri Delvar Hýsseın Saıedı ólim jazasyna kesilgennen keıin bastalǵan ereýil barysynda 42 adam óltirildi.
Bul týraly polıtsııanyń aqparatyna silteme jasaı otyryp, Associated Press habarlady.
Úkimge qarsy bolǵan adamdar polıtsııamen qaqtyǵysyp, úkimettik ǵımarattarǵa shabýyl jasap, «Lıga Avamı» basqarýshy partııasynyń keńselerin órtep jiberdi, dep jazdy The Indian Express.
Polıtsııa kóz jasaýratqysh gaz qoldaný jáne narazylyqqa shyqqan adamdarǵa oq jaýdyrý arqyly tártipsizdikti toqtatpaq boldy. Associated Press málimetterine qaraǵanda, óltirilgen 42 adamnyń ishinde altaýy quqyq qorǵaý organdarynyń qyzmetkerleri.
