Ólim jazasy qylmyskerlerdi toqtata almaıdy - Q.Mámı

ASTANA. QazAqparat - Búgin QR Joǵarǵy sotynyń tóraǵasy Qaırat Mamı Zakon.kz portalynda oqyrmandarmen onlaın-konferentsııa ótkizdi. Oqyrmandar arasynda eń kóp reıtıng jınaǵan suraqtyń biri - ólim jazasyna jarııalanǵan moratorııge qatysty boldy.

«Qurmetti Qaırat Mámı. Qazir Qazaqstanda terrorıster de, pedofılder de, adamdy aıaýsyz óltiretin qylmyskerler de kóbeıdi. Qoǵam qaıratkerleri men depýtattar osyndaı ister boıynsha ólim jazasyna qoıylǵan moratorııdi alyp tastaý týraly pikir bildirdi. Meniń óz basym bul usynyspen kelisemin. Buǵan qatysty sizdiń pikirińiz qandaı?»,-degen Almaty turǵyny Aleksandr.

«Almatyda terrorızmge qatysty qylmystyq isten keıin, alty jasar búldirshin zorlanǵan Aqtaý oqǵasynan keıin bul másele kóptiń aýzynan túspeıtin boldy. Qazirgi qoldanystaǵy Qylmystyq kodekske saı, osyndaı qylmyskerlerge eń aýyr jaza qoldanamyz. Tipti, olardy ómir boıy bas bostandyǵynan aıyramyz. Ólim jazasyn qaıta engizý máselesin árıne zerteý kerek. Biraq, Qylmystyq kodekske ólim jazasyn qaıta engizip, ólim jazasyn qoldaný qylmyskerlerdi toqtatady dep oılamaımyn. Qylmyskerler ólim jazasynan qorqyp, qylmysqa barmaı qoımaıdy. Adam qylmysqa ártúrli sebeppen barady»,-dep jaýap bergen Q.Mámı.