Ólim jazasy Konstıtýtsııadan alynady - mınıstr Qýantyrov
NUR-SULTAN. QazAqparat – Ólim jazasy Konstıtýtsııadan alynyp tastalady. Bul týraly búgin Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.
Onyń aıtýynsha, Memleket basshysynyń Joldaýyn iske asyrý jónindegi jalpyulttyq is-sharalar josparynyń «Quqyq qorǵaý ınstıtýttaryn kúsheıtý» baǵytynda 9 is-sharany iske asyrý kózdelgen.
«Azamattardyń irgeli quqyqtaryn qorǵaý maqsatynda Qazaqstan Respýblıkasynyń Konstıtýtsııalyq soty qurylatyn bolady. Konstıtýtsııada Adam quqyqtary jónindegi ýákildiń mártebesi men qyzmetiniń kepildikteri reglamentteledi. Sondaı-aq, adam quqyqtary jónindegi ýákilge Konstıtýtsııalyq sotqa júginý quqyǵy beriledi. Sonymen qatar, ólim jazasy Konstıtýtsııadan alyp tastalady», - dedi Álibek Qýantyrov.
Mınıstrdiń atap ótýinshe, prokýratýra organdaryna azaptaý týraly isterdiń aıryqsha tergeýligin belgileý kózdeledi.
Sondaı-aq, «Prokýratýra týraly» Konstıtýtsııalyq zań jobasyn ázirleý josparlanýda. Joǵarǵy sot keńesiniń konkýrstyq rásimderin onlaın-translıatsııalaýdy jáne olardyń qorytyndylary boıynsha egjeı-tegjeıli, dáleldi túsindirmeler jarııalaý engiziledi», - dedi ol.
