Ólim aýzyndaǵy atyn tas qylyp qushaqtaǵan polıtseıdiń sýreti jurtshylyqty dúr silkindirdi
ASTANA. QazAqparat - Amerıkalyq BAQ kóshede ólim aýzynda jatqan atynyń janynda ony qushaqtaı jatyp, tynyshtandyrýǵa tyrysqan ofıtserdiń fotosyn taratty.
CBS arnasy habarlaǵandaı, qaıǵyly jaǵdaı jeltoqsannyń basynda oryn alǵan. Atty saqshylar kóshe torýyldaýǵa shyqqan. Sharlotta esimdi sáıgúlik tsement tasymaldaıtyn kóliktiń shýly dybysynan úrkip, joldyń qarsy betine shyǵyp ketken, sol kezde ol kólik astynda qalyp, aýyr jaraqat alady.
Sharlotta ómiriniń sońǵy sátin ofıtser Eıronnyń qushaǵynda ótkizdi: er adam ólim aýzynda jatqan jylqyny moınynan tas qylyp qushaqtap, janyna jatyp alǵan.
- Ol jumysyn jaqsy biletin jáne tapsyrmany múltiksiz oryndaıtyn. Hıýston turǵyndaryna 4 jyl qyzmet etti. Sharlottanyń orny oısyrap qaldy, dedi Hıýston polıtsııasynyń ókili.
