Olıgopolııaǵa yńǵaılanǵan normalardy joıyp, kásiporyndardy tártipke keltirý kerek — Edil Jańbyrshın
Sapar barysynda depýtat burǵylaý kezinde apat oryn alǵan «Ońtústik Qaraturyn» ken ornyna bardy.
Ken ornynda burqasyn gaz alaýymen qatar jerasty sýy da shyǵyp jatyr.
Edil Jańbyrshınniń aıtýynsha, atmosferaǵa janý ónimderiniń taralýynan basqa qorshaǵan ortanyń tuzben lastanýy da baıqalyp otyr.
Jumys alańynda burǵylaý jumysymen aınalysyp jatqan jumysshylarmen kezdesken depýtat olardyń problemalaryn tyńdady.
«Shydamdy arnaıy kıimniń jáne tıisti aıaq kıimniń joqtyǵy. Burqasyn tútininen tynys organdaryn qorǵaıtyn apparattyń berilmegeni. Sútpen qamtamasyz etilmeı jatqandyǵy. Kompanııa basshylarynyń ýáde etken syıaqysy áli tólenbegeni. Kompanııa basshysy Telman Safınov syıaqynyń eki kúnde, al qalǵan máseleni osy apta aıaǵyna deıin sheship beremiz dep ýádesin berdi. Osyndaı aýyr jaǵdaıda jumys atqaryp jatqan personaldyń jaǵdaıyn aıtqyzbaı aq jasaý kerek emes pe?!» - deıdi depýtat.
Odan ári Edil Jańbyrshın «Bozashy-Munaı» jáne «Atyraý Qurylys LTD» seriktestikteriniń jumysshylarymen kezdesti.
Olar munaı ıgerýdegi jumysshylardyń qolǵa alatyn jalaqysy 300 myń teńgedeı, áleýmettik kómek joq, laýazymy men razrıadqa baılanysty jalaqynyń tarıfıkatsııasy jasaqtalmaǵanyn, eńbek qaýipsizdik normalarynyń saqtalmaı otyrǵanyn aıtty.
«Servıstiń qyzmet kórsetetin kompanııa máseleleri: tehnıkalary eski, jalaqy 150-200 myń teńgeıdeı, jyl saıyn kompanııa aty aýysady, biraq adamdar men tehnıka sol kúıinde qalady. Eki kompanııada da mereke, túngi ýaqyt sııaqty zańda kórsetilgen ústemeaqy tólenbeıdi», - dedi E. Jańbyrshın.
Óz kezeginde «Bozashy-Munaı» JShS ókilderi atalǵan máselelerdi sheshý jaǵyn qarastyryp jatyrmyz degen ýájin aıtty.
Sonymen qatar Edil Jańbyrshın Qazaqstanda jerqoınaýyn paıdalanýshylar, energetıka, munaı-gaz, hımııa jáne basqa da qaýipti óndiris oshaqtarynda apattar oqtyn-oqtyn oryn alyp, jumysshylar jaraqattanyp jáne qaza bolyp jatqanyna toqtaldy.
Óndiristik qaýipsizdik qyzmetkerleriniń aıtýynsha, buryn uńǵyny qazýdyń jobasyn memorgandarmen kelisetin edi, endi kompanııanyń birinshi basshysy ózi bekitip jumys jasaı beredi.
«Ótkende AGZS-tardyń gaz ballondarǵa gaz quıýyna tyıym salatyn zań qabyldadyq, al ony baqylaıtyn jergilikti ákimdikterde arnaıy organ da, mamanda joq. Qazaqstan azamattarynyń densaýlyǵy men ómiri - eń basty qundylyǵymyz. Sondyqtan óndiris pen ekologııa qaýipsizdigin baqylaý men qadaǵalaýdy kúsheıtýimiz kerek. Jalpy alǵanda zańdarymyzdy qaıtadan qarap, olıgopolııaǵa yńǵaılanǵan normalardy joıyp, kásiporyndardy memleket tarapynan tártipke keltirý kerek»,— dedi Edil Jańbyrshın.
