Olıgopolııadan zardap shekkenderdiń shyǵynyn óteýge arnalǵan tıimdi mehanızm joq – agenttik
«Qoldanystaǵy quqyqtyq júıeniń basty kemshilikteriniń biri - belgili bir kompanııanyń nemese toptyń (olıgopolııalardyń) áreketterinen zardap shekken adamdardyń keń aýqymyna shyǵyndardy óteýdiń tıimdi tetikteriniń bolmaýy. Tek sońǵy 1,5 jylda monopolııaǵa qarsy organ 5 mlrd teńgeden astam somaǵa monopolııalyq kiristi bıýdjetke qaıtardy (ákimshilik aıyppuldarda eseptemegende). Sonymen qatar, qazirgi ýaqytta sottarda jalpy somasy 13 mlrd teńgeden asatyn zańsyz tabys boıynsha ister qaralyp jatyr», - delingen Ashyq NQA portalynda jarııalaǵan konsýltatıvtik qujatta.
Azamattyq zańnamaǵa sáıkes, eger qandaı da bir azamatqa olıgopolııadan zalal kelgen bolsa, onda ol óz betinshe aryz berip, shyǵyndy óteýdi talap etýi tıis.
Al, jekelengen adamdardyń shaǵymdary boıynsha ister kóbine kerisinshe aıyptalýshy kompanııalardyń paıdasyna sheshilip jatady.
Jalpy, bir kásiporyn baǵany zańsyz kóterý nemese ózge de áreketter esebinen bir emes, birneshe myńdaǵan adamǵa zalal keltirýi múmkin.
Sondyqtan agenttik osyndaı jaǵdaıǵa tap bolǵandarǵa toptasyp, aryz-talap qoıý múmkindigin usynǵan jón dep sanaıdy.
«Onyń nátıjesinde ujymdyq ister ınstıtýty daýdy sheshýge ketetin ýaqytty, sot qarajatyn únemdeıdi, jalpy alǵanda isterdi qaraýdyń tıimdiligi men birkelkiligin arttyrady», - dep túsindirme berilgen.
