Olıgopolııa menshigindegi 140 myń gektar memleketke qaıtaryldy

ASTANA. QazAqparat - 7,3 mıllıon gektar jer memleketke qaıtaryldy. Bul týraly Bas prokýror Berik Asylov Memleket basshysynyń qabyldaýynda aıtty, dep habarlaıdy QazAqparat.

Ekonomıkalyq resýrstardy zańsyz shoǵyrlandyrýǵa qarsy is-qımyl máseleleri jónindegi komıssııa jumysynyń aıasynda memleketke jyljymaıtyn múlik obektileri, jer ýchaskeleri jáne basqa da múlik qaıtaryldy.

Prokýrorlardyń aktilerine sáıkes, quny 43 mıllıard teńgeni quraıtyn zańsyz berilgen jáne maqsatyna paıdalanylmaǵan 7,3 mıllıon gektar jer memleketke qaıtaryldy. Sonyń ishinde, olıgopolııa menshigindegi quny 6 mıllıard teńge bolatyn 140 myń gektar jer qaıtaryldy. Jýyq arada olıgopolııa sýbektileriniń menshiginde bolǵan 160 myń gektar jer qaıtarylady.