Óli týǵan sábı anasynyń alaqanynda tirildi. Dárigerler ań-tań
ASTANA. Qyrkúıektiń 1-i. QazAqparat - Avstralııanyń perzenthanalyrynyń birinde oryn alǵan oqıǵany tańǵajaıyp demeske bolmas. Jatyrynda óli týǵan náreste anasynyń qolynda tirilip ketti, dep habarlaıdy Ýtro.rý .
Jergilikti azamatsha egiz kútip júrgen edi, biraq bosaný ýaqytynan buryn týýyna týra keldi. Perzenthanada jaryq dúnıege er bala men qyz bala keldi. Qyz bala ınkýbatorǵa ornalastyryldy, biraq onyń aǵasy óli týǵan eken. Dárigerlerdiń nárestege dem beremiz degen áreketterinen túk shyqpaı qoıdy. Osy ýaqytta náresteniń anasy óli sábıdi qolyna alyp, onymen sóılesip, sıpaı bastaıdy. Osy kezde eshkim kútpegen jaǵdaı oryn alyp, ólip jatqan náreste tirilip shyǵa keldi.
Qýanyshtan júregi jarylardaı bolyp qýanǵan baqytty ananyń aıtýynsha, alǵashynda aıaq-qolyn jybyrlatqan sábı, bir ýaqytta kózin ashty. Osy oqıǵaǵa ǵylymı turǵydan esh túsinik bere almaı otyrǵan dárigerler áli kúnge deıin ań-tań. Aqyr aıaǵynda dárigerler balaǵa jan bitirgen ana mahabbaty men onyń úmiti dep sheshti.
Qazirgi ýaqytta egizder men anasynyń jaǵdaıy jaqsy. Jaqyn kúnderi olardy aýrýhanadan shyǵarady.
