Óli kıtpen qoshtasýǵa 10 myń vetnamdyq jınaldy
ASTANA. Aqpannyń 24-i. QazAqparat - Bakleý provıntsııasynda 15 tonnalyq kıtti jerleýdiń saltanatty rásimine eki júz myńnan astam vetnamdyq jınaldy,
dep habarlaıdy QazAqparat Associated Press saıtyna silteme jasap.
Óli janýardyń denesi jeksenbi kúni, aqpannyń 21-inde jaǵalaýdan 40 shaqyrymdyq qashyqtyqta tabylǵan bolatyn. Qaıyqtarǵa mingen birneshe ondaǵan balyqshylar ony jaǵalaýǵa shyǵarý úshin bir kún ýaqyttaryn sarp etti.
Qoshtasý saltanatyna qatysqandar óli janýardyń qurmetine ot jaǵyp yrymdaryn jasady, al jerleý ornynda hram salý josparlanýda.
Vetnamdyq balyqshylardyń nanym-senimderine saı kıt qasıetti janýar bolyp tabylady jáne onymen ólideı nemese tirileı kezdesý sáttilikti bildiredi. Kıtterge «ngaı» (ngai) degen termındi qoldanyp, barynsha qurmetpen qaraý oryn alǵan. Vetnamda dástúr boıynsha monarhtarǵa júgingende ǵana osy sóz qoldanylady.
