Ólgen jylan jyly jerde qaıta tirildi
ASTANA. QazAqparat - Zelandııa aralynyń ońtústigindegi Sandved aýylynda eki pıton tabyldy. Tańǵy saǵat 4-te jumysqa bara jatqan jergilikti turǵyn saıajoldyń birinde baýyrymen jorǵalaýshynyń ústinen shyqqan.
Qoraptyń ishindegi uzyndyǵy 132 santımetr jylanda tirshilik belgisi baıqalmaǵan. Polıtseıler ony bólimshege alyp barǵanda jyly jerde qaıta tirilgen.
Osy aýyldyń basqa turǵyny tańerteńgi 7:30-da aýyl shetinen ekinshi jylandy tapqan. Ol qoqys konteıneriniń janyndaǵy qorapta bolǵan. Ol da qımyl-qozǵalyssyz jatypty.
Polıtseıler ekinshi jylannyń da qysqy sýyq saldarynan uıyqtap jatqanyna, jyly jerde qaıta oıanatynyna senimdi, dep habarlady ITAR-TASS.
