Ólgen anasynyń zeınetaqysyn 24 jyl boıy alyp júrgen áıel sottaldy
ASTANA. QazAqparat - Óz anasynyń zeınetaqysyn 20 jyldan astam ýaqyt boıy óz atyna aýdaryp júrgen áıel 13 jylǵa bas bostandyǵynan aıyryldy, dep jazady TASS .
Fox News telearnasynyń habarlaýynsha, Sot AQSh-tyń Kalıfornııa shtatynyń turǵyny 66 jastaǵy Emma Karter-Aleksandr memleketke 298,1 myń dollardan astam qarjyny qaıtarýy tıis degen qaýly shyǵardy.
Іs materıaldaryna qaraǵanda, amerıkalyq áıel óz anasy Dorotı Grıffınge 1991 jyldan qamqorlyq jasaı bastaǵan. Kóp ótpeı, AQSh Áleýmettik qamsyzdandyrý qyzmeti aı saıyn jiberip otyratyn zeınetaqysyn óziniń mekenjaıy boıynsha alyp, chegin qolma-qol aqshaǵa aınaldyrý quqyǵyn alǵan. Karter-Aleksandr sheshesi Gıffın ol aqshalardy qalaı jumsap jatqany týraly únemi esep berip otyrǵan. Al shyndyǵynda óz qajetine jumsap kelgen.
Alaıaq áıeldiń anasy 1993 jyly qaıtys bolady. On jyldan keıin ol Hıýstonnan (Tehas shtaty) Valehoǵa (Kalıfornııa) kóship, Áleýmettik qamsyzdandyrý qyzmetine zeınetaqyny jańa mekenjaı boıynsha jóneltý qajettigi týraly habarlaıdy. Jyl saıyn Karter-Aleksandr zeınetaqynyń jumsalýy týraly esep daıyndap, jalǵan málimetter zańmen qýdalanatynyn eskertip otyrǵan. Qamsyzdandyrý qyzmeti osyndaı «shynaıy» sózderden keıin onyń anasy neshe jyl buryn dúnıe salǵanyna tipti kúmándanbaǵan da.
