Olga Rypakovanyń júldesine arnalǵan XI halyqaralyq týrnır ótedi
ASTANA. KAZINFORM – 2026 jylǵy 14 aqpanda Óskemende jeńil atletıkadan Olımpıada chempıony Olga Rypakovanyń júldesine arnalǵan XI halyqaralyq týrnır ótedi, - dep habarlaıdy Qazaqstan jeńil atletıka federatsııasynyń baspasóz qyzmeti.
Atalǵan dástúrli doda «Olga Rypakova» atyndaǵy jeńil atletıka ortalyǵanda ótpek.
Týrnırge 11 memleketten 150-den astam sportshy qatysady dep josparlanǵan. Atap aıtqanda, Qazaqstannan bólek, Ózbekstan, Tájikstan, Qyrǵyzstan, Grýzııa, Ýkraına, Armenııa, Úndistan, Grekııa, Túrkııa jáne Lıtva elderiniń úzdik sportshylary ózara myqtyny anyqtamaq.
Qatysýshy elderdiń keń geografııasy jarystyń joǵary halyqaralyq mártebesin jáne sheteldik ulttyq federatsııalardyń qyzyǵýshylyǵyn kórsetedi.
Halyqaralyq týrnırde sany jaǵynan eń kóp qurama qazaqstandyq atletter. Elimizden barlyǵy 89 atlet (41 er adam jáne 48 áıel) qatyspaq. Qazaqstandyq sportshylar jarys baǵdarlamasynyń barlyq túrleri boıynsha synǵa túsedi.
Jarys baǵdarlamasy
Erler:
60 m, 400 m, 800 m, 3000 m, 60 m kedergilermen júgirý, syryqpen sekirý, ıadro laqtyrý, úsh qarǵyp sekirý.
Áıelder:
60 m, 400 m, 800 m, 3000 m, 60 m kedergilermen júgirý, bıiktikke sekirý, úsh qarǵyp sekirý, uzyndyqqa sekirý, 4×200 m estafetalyq júgirý (mıks — 2 áıel jáne 2 er adam).
Qatysýshylar tiziminde ulttyq quramalardyń kóshbasshylary, halyqaralyq jarystardyń júldegerleri, Azııa chempıondary, Qazaqstan Respýblıkasynyń rekordshylary, sondaı-aq bolashaǵynan úmit kúttiretin jasóspirimder men jastar bar. Sonymen qatar, Shyǵys Qazaqstan oblysynyń jetekshi sportshylary da qatysady.
Qazaqstan quramasynyń ókilderi:
Davıd Efremov, Vıtalıı Zems, Almat Tólebaev, Andreı Sokolov, Elnor Muhıtdınov, Ivan Tovchenık, Tahır Qadyrqulov, Zelımhan Nasyrov, Evgenıı Arhıpov, Igor Hrýnın, Olga Safronova, Vıktorııa An, Nadejda Dýbovıtskaıa, Elızaveta Matveeva, Krıstına Ovchınnıkova, Anastasııa Rypakova, Marııa Efremova, ıÝlııa Bashmanova, Adelına Zems, Aleksandra Zalıýbovskaıa jáne t.b.
Olga Rypakovanyń júldesine arnalǵan týrnır dástúrli túrde halyqaralyq jeńil atletıkalyq jarystar kúntizbesine enedi jáne álem chempıonatyna irikteý normatıvterin oryndaýǵa, jas sportshylardy damytýǵa kómektesedi. Sondaı-aq, halyqaralyq yntymaqtastyqty nyǵaıtýdaǵy mańyzdy alań bolyp tabylady.
Esterińizge sala keteıik, Olga Rypakova - qazaqstandyq jeńil atletıka sportshysy. Ol 1984 jyly 30 qarashada Óskemende dúnıege kelgen.
Aty ańyzǵa aınalǵan otandasymyz 2012 jyly Olımpıada chempıony, 2008 jyly Olımpıadanyń kúmis júldegeri al, 2016 jyly taǵy da tórtjyldyq dodanyń qola júldegeri atanǵan bolatyn, Qazaqstan Respýblıkasynyń eńbek sińirgen sport sheberi.
Aıta keteıik, osyǵan deıin jeńil atletıkadan Azııa chempıonatynda eki qazaqstandyq sportshy fınalǵa shyqqanyn jazǵan bolatynbyz.