Ólerinde 4 adamnyń ómirin qutqardy
ASTANA. QazAqparat - Saýd Arabııasynyń Dammam qalasyndaǵy korol Fahd atyndaǵy aýrýhanada dám-tuzy taýsylǵan 27 jastaǵy turǵyn tórt birdeı saýdııalyq er adamnyń ómirin saqtap qaldy. Marqum áıeldiń sharapaty tıgen olardyń jas shamalary da árqalaı.
Mıy qyzmetin toqtatqan áıel emhanada ótken aptadan beri jatqan bolatyn. «Ethar» qaıyrymdylyq qory marqumnyń otbasyna onyń ishki aǵzalaryn muqtaj patsıentterge berýin surap, qolqa salady.
Marqum áıeldiń júregi Er-Rııadtaǵy hanzada Sultan atyndaǵy kardıologııalyq ortalyqta jatqan 44 jastaǵy patsıentke buıyrsa, bir búıregi 15 jastaǵy er balaǵa tartý etildi. Al baýyry Dammamdaǵy 64 jastaǵy egde kisige, taǵy bir búıregi osy qaladaǵy 36 jastaǵy jigitke berildi, dep jazady muslim.kz.
