Óler aldynda suhbat bergen B.Berezovskıı «ómirdiń mánin joǵaltqandyǵyn» aıtqan
ASTANA. 24 narýyz. QazAqparat - Forbes jýrnalynyń jýrnalısi Borıs Berezovskııdiń ólerinen birneshe saǵat buryn 22 naýryz kúni kezdesken, dep jazady Rosbalt.
Jýrnalıst Ilıa Jegýlevtiń atap ótýinshe, ol Berezovskııge atalǵan suhbatty jarııa etpeýge ýáde bergen. Degenmen ol ómirden ozǵannan keıin ýádesin buzýǵa sheshim qabyldapty.
«Reseıge oralý... Men Reseıge oralýdan basqa eshteńe qalamaımyn. Tipti qylmystyq is qozǵalǵannan keıin de men Reseıge oralǵym keldi. Tipti qylmystyq is qozǵalǵan kezde de! Tek qana Elena Bonnerdiń keńesimen qaldym. Eń bastysy, men ózime Reseıdiń qandaı qymbat ekendigin, men emıgrant bola almaıtyndyǵymdy baǵalaı almadym», - depti Borıs Berezovskıı.
Sonymen qatar ol tilshiniń egerde Reseıde qalǵanda túrmede otyrar edińiz ǵoı degenine: «Qazirgi ýaqytta men osy jyldar ishinde Londonda qalaı ómir súrdim degen saýaldarǵa jaýap izdeımin. Qazir mende bul saýaldarǵa esh jaýap joq. Hodorkovskıı ózin saqtap qaldy. Bul meniń ózimdi joǵaltyp aldym degendi bildirmeıdi. Degenmen men barynsha kóp artyq baǵalaýlar men tańǵalystardy bastan keshirdim Hodorkoskıı birshama azdaý. Men ómirdiń mánin joǵalttym. Men qazir saıasatpen aınalysqym kelmeıdi», depti.
Esterińizge sala keteıik, beıresmı málimetterge qaraǵanda, Borıs Berezovskıı 23 naýryz kúni tańerteń óz ózine qol salǵan. Kelesi derekterge qaraǵanda, onyń ólimne ınfarkt sebep bolǵan. Onyń qaza tapqandyǵyn týystary qýattap otyr. Ulybrıtan polıtsııasy Berezovskıı ólimine qatysty túsinikteme bergen joq.
Borıs Berezovskıı - reseılik ǵalym, kásipker ári saıası qaıratker. 2000 jyldan beri Ulybrıtanııada turyp jatqan edi. Reseıde oǵan kóptegen qylmys jasaldy degen aıyppen syrttaı 13 jylǵa bas bostandyǵynan aıyrý jazasy kesilgen.
