Óleńdi qatty qoıǵany úshin afroamerıkandyqty atyp tastaǵan AQSh azamaty 60 jylǵa sottalýy yqtımal
ASTANA. QazAqparat - Florıda shtatynda alqabıler alqasynyń qatysýymen ótken sotta óleńdi tym qatty qoıǵany úshin 17 jasar afroamerıkandyqty atyp tastaǵan Maıkl Dann kináli dep tanyldy.
M.Dann: «17 jasar jigitpen aramyzda janjal týdy, men tek óz qaýipsizdigimdi oılap, oǵan oq attym», - dep aqtaldy.
12 adamnan quralǵan alqabıler alqasy Danndy kisi óltirdi degen aıyptyń 3 pýnkti boıynsha jazyqty dep sheshti. kisi óltirýge kináli dep tanylǵan 47 jastaǵy ınjener 60 jylǵa sottalýy yqtımal. Onyń jazasyn sýdıa taǵaıyndaıtyn bolady.
Atalmysh oqıǵa 2012 jyly qarashada Florıdadaǵy janar-jaǵarmaı quıý stansalarynyń birinde oryn aldy. Maıkl Dann djıppen kelip toqtaǵan Devıske jáne onyń dostaryna óleńniń daýysyn aqyryndatý jóninde eskertpe jasaǵan. Jastar onyń bul sózine shamdanyp, ilik izdep qasyna kelgen. Tipti qarýyn alyp, Maıklǵa kezengen. Óz kezeginde M.Dann kóliginen qarýyn alyp, olarǵa qaraı birneshe ret oq jaýdyrdy.
Tergeý amaldary kezinde M.Dann 10 ret oq atqandyǵyn anyqtaǵan. Jasóspirimderde qarý tabylmady. Jigitter M.Dannǵa eshkim ses kórsetpegenin de aıtýda.
