Oleg Sokolenko Germanııadaǵy CSI2 týrnırinde kúmis júldeni jeńip aldy
ASTANA. KAZINFORM - Qazaqstan ulttyq quramasynyń múshesi Oleg Sokolenko 2-6 qyrkúıek aralyǵynda Germanııada ótip jatqan CSI2 Gut Ising halyqaralyq týrnırinde júldeli orynǵa ıe boldy.
Qazaqstandyq shabandoz 140 sm bıiktiktegi marshrýtta ekinshi oryn alyp, jeńimpazdan nebári 1,97 sekýndqa qalyp qoıdy.
Preis der Juweliere Banki & Sohn marshrýtyna barlyǵy 44 sporttyq jup qatysty. Oleg Sokolenko men Cinderella qashyqtyqty birde-bir qateliksiz eńserip, 63,44 sekýnd nátıje kórsetti.
Jarysta Germanııa ókili Benjamin Wulschner Kilcannon Emerald atymen 61,47 sekýnd nátıje kórsetip, jeńimpaz atandy. Úshinshi oryndy Felix Haßmann Conthargo PS-pen 64,13 sekýnd nátıjemen ıelense, tórtinshi oryn Jörg Oppermann men Olymp 58 jubyna buıyrdy.
Osylaısha, úzdik tórttiktiń úsh ókili Germanııa atynan óner kórsetken básekede Qazaqstan shabandozy ekinshi orynǵa kóterildi.
Gut Ising týrnırindegi nátıje Oleg Sokolenkonyń maýsymdaǵy basty jarysqa daıyndyǵy turǵysynan da mańyzdy. Bul halyqaralyq týrnır sportshynyń Japonııada ótetin 2026 jylǵy XX Azııa oıyndary aldyndaǵy Eýropadaǵy jarys kezeńin qorytyndylaıdy.
Eske sala keteıik, bıyl Qazaqstan at sporty boıynsha 12 jyldyq úzilisten keıin Azııa oıyndaryna qaıta oralady.
Osyǵan deıin Qazaqstannyń at sportynan Astanadaǵy halyqaralyq týrnırlerde 14 medal jeńip alǵany týraly jazdyq.
