Oleg Krýk: PIK-terdiń áreketi Ekibastuzdaǵy stansalardyń jaǵdaıyn qıyndatqan

ASTANA. QazAqparat – Ekibastuzdaǵy keıbir páter ıeleri kooperatıvteri jóndeý brıgadalaryn kútpesten, aqaýdy óz kúshimen joımaq bolǵan. Óńirlik kommýnıkatsııalar qyzmetinde ótken brıfıngide Pavlodar oblysy ákiminiń mindetin ýaqytsha atqarýshy Oleg Krýk osyndaı derek aıtty, dep habarlaıdy QazAqparat tilshisi.

«Qazir ortalyqtandyrylǵan jylý júıesinen 17 úı ajyratýly qalyp otyr. Jeli arqyly sý jibergennen keıin magıstraldiń jumysy qalypqa kelýi kerek bolǵan. Biraq biz stansalarda jaǵdaı qıyndaǵanyn kórip otyrmyz. Stansalardaǵy sýdyń mólsheri shekti deńgeıge shyǵyp ketti. Osylaısha tutynýshylarǵa sýdyń berilýin 950-1000 tonnaǵa deıin shekteýge týra keldi», - dedi ol.

Sonyń sebebin tekserý úshin arnaıy jasaqtar úı-úıdi aralaı bastaǵan.

«Qazir biz úı-úıdi aralap tekserip júrmiz. Qazirdiń ózinde páter ıeleriniń kooperatıvteri jóndeý brıgadalaryn kútpesten, aqaýdy óz kúshimen joıýǵa tyrysqany túsinikti bolyp otyr. Biraq, eń bastysy, onyń óte ońaı jolyn tańdap alǵan. ıAǵnı, ishtegi sýdyń bárin aǵyzyp jiberý arqyly aqaýdy joıýǵa tyrysty. Sol arqyly jaǵdaıdy ýshyqtyrýda. Sondyqtan biz úı-úıdi aralap, páter ıeleri kooperatıvterimen jumys istep jatyrmyz jáne jaǵdaıdy turaqtandyrýǵa kúsh salamyz», - dedi Oleg Krýk.

Foto: ortcom.kz