Oleg Flegonov «Qaırat» fýtbol klýbynyń sport dırektory bop taǵaıyndaldy
ALMATY. 15 aqpan. QazAqparat /Erlik Erjanuly/ - «Qaırat» fýtbol klýbynda kadrlyq ózgerister boldy. «Qaırat» fýtbol klýbynyń Baqylaýshylar keńesiniń 13 aqpanda ótken májilisinde Reseı ulttyq fýtbol lıgasynyń sporttyq dırektory bolǵan Oleg Flogentov almatylyq aıaqdopshylardyń sporttyq dırektory,
al Astana qalasyndaǵy Olımpıadalyq daıyndyq ortalyǵynyń bastyǵy Qanat Syzdyquly Túlekov Bas menedjer bop taǵaıyndaldy.
Oleg Flogentov endi «Qaırattyń» negizgi quramynan bastap eń tómengi jasqa deıingi barlyq klýbtarynyń jumysyn basqarmaq. Sondaı-aq onyń qaramaǵyndaǵy mekeme irikteý men quramyna sporttyq taldaý, dáriger jáne psıhologtar kiretin keshendi baqylaý tobyna da jetekshilik jasaıtyn bolady.
Bul jıynda sonymen qatar, «Qaırat» fýtbol klýbynyń Bas bapkeri Dmıtrıı Ogaıdyń Túrkııadaǵy ekinshi oqý-jattyǵý jıynynyń qorytyndysy boıynsha esebi tyńdaldy. Onda komanda 18 oıynshymen kelisim-shart jasasqan bolatyn. Onyń 12-si - qazaqstandyq, al altaýy sheteldik legıonerler. Endi 16 aqpan men 2 naýryz aralyǵyndayǵ úshinshi jıynda komandany jasaqtaý úderisi tolyq aıaqtalmaq. Onda qarqyndy jattyǵýdan bólek birneshe joldastyq kezdesýler uıymdastyrylǵaly otyr.
