Oleg Boltın erkin kúresten Azııa chempıony atandy
NUR-SULTAN. QazAqparat – Almatyda kúres túrlerinen Azııa chempıonaty márege jetti, dep habarlaıdy QazAqparat tilshisi.
Qazaqstandyq Oleg Boltın 125 kg salmaqta fınalda qyrǵyzstandyq Aııal Lazarevpen beldesti.
Óte tartysty órbigen beldesý barysynda qyrǵyzstandyq balýan 3:2 esebimen alda turdy. Sońǵy sekýndtarda eki balǵa baǵalanǵan ádis jasap úlgergen O.Boltın erkin kúresten Qazaqstan quramasy úshin úshinshi altynǵa qol jetkizdi.
Osy asa aýyr salmaqta budan bir jyl buryn ıÝsýp Batyrmurzaev Azııa chempıony atanǵan edi. Bıyl oǵan qosa ıÝsýp Batyrmurzaev Almatyda ótken lıtsenzııalyq týrnırde olımpıada joldamasyn ıelengen bolatyn. Endi O.Boltın Azııa birinshiliginde úzdik shyǵyp otyr.
Taǵy bir qazaqstandyq Elhan Asadov 92 kg salmaqta qola júlde úshin básekede ońtústikkoreıalyq balýanǵa ese jiberdi.
Eske sala keteıik, budan buryn Nurqoja Qaıpanovtyń erkin kúresten eki dúrkin Azııa chempıony atanǵanyn jazǵan bolatynbyz.
