«Ole Brazıl Klab» fýtbol akademııasynyń jattyqtyrýshylary Qazaqstannyń jas fýtbolshylaryna sheberlik-sabaqtar beredi
ASTANA. Sáýirdiń 14-i. QazAqparat - Sáýirdiń aldaǵy 19-23-i kúnderi Astanadaǵy «Astana-Arena» stadıonynda «Ole Brazıl Klab» (Brazılııa, San-Paýlo) fýtbol akademııasynyń úzdik jattyqtyrýshylary Qazaqstannyń jas fýtbolshylary úshin sheberlik-sabaqtaryn ótkizedi.
QR Týrızm jáne sport mınıstrliginen habarlaǵandaı, sáýirdiń 19-y kúni Astanada «Ole Brazıl Klab» fýtbol akademııasynyń úzdik jattyqtyrýshysy Fabrısıo Morozettıdiń jetekshiligimen, 100 jetkinshek fýtbolshy men elordanyń jattyqtyrýshylaryna arnalǵan sheberlik sabaqtar bastalady. Balalarmen sondaı-aq, eki jattyqtyrýshydan bólek, qaqpashy jattyqtyrýshylar da jumys isteıtin bolady.
Іs-sharany sáýirdiń 25-i kúni Qazaqstanda atap ótiletin Fýtbol kúnine oraı «K Sports Marketıng» kompanııasynyń qoldaýymen QR Týrızm jáne sport mınıstrligi uıymdastyryp otyr. Osydan 8 jyl buryn, 2002 jyly Qazaqstan ÝEFA quramyna endi. Osy kúnnen bastap elimizde Fýtbol kúni atap ótiledi.
Eske sala keteıik, sáýirdiń 26-sy kúni elordadaǵy «Astana-Arena» stadıonynda 1994 jyly týǵan jastardyń arasynda «Qazaqstan Respýblıkasynyń Prezıdenti N.Nazarbaevtyń Kýbogy» úshin ІІІ-shi halyqaralyq týrnır ótedi. Buǵan deıingi eki týrnır Almaty qalasynda ótken bolatyn.
