Olaf Sholts saılaýda jeńilgenin moıyndady

ASTANA. KAZINFORM — Ekzıtpol nátıjelerine sáıkes Sholtstiń partııasy Býndestagqa merziminen buryn ótkizilgen saılaýda sátsizdikke ushyrap, tek úshinshi orynǵa ıe boldy.

Bul týraly Kazinform agenttigi Euronews-ke silteme jasaı otyryp habarlaıdy.

Jeksenbide Germanııada kezekten tys parlamenttik saılaý ótti. Ol EO-nyń eń iri memleketiniń aldaǵy tórt jyldaǵy baǵytyn anyqtaıdy.

Ekzıtpoldyń málimeti boıynsha Germanııanyń Hrıstıandyq-demokratııalyq odaǵy/Bavarııanyń Hrıstıandyq-áleýmettik odaǵy blogy shamamen 29% daýyspen kósh bastap tur. Ekinshi orynǵa — ásire ońshyl «Germanııa úshin balama» partııasy (shamamen 20% daýys) ornalasty. Al Germanııanyń solshyl baǵyttaǵy Sotsıal-demokratııalyq partııasy 16% daýysqa ıe bolyp, úshinshi orynǵa turaqtady.

Saılaý nátıjeleri Germanııanyń Hrıstıandyq-demokratııalyq odaǵy/Bavarııanyń Hrıstıandyq-áleýmettik odaǵy blogy koalıtsııa qurýy kerek ekenin kórsetedi. Bul rette Olaf Sholtstiń ornyna kantsler retinde Frıdrıh Merts kelýi múmkin.

Eske salsaq, budan buryn Germanııada parlamenttik saılaý bastalǵanyn habarlaǵan edik.