Ol maǵan dombyra syılady - qytaılyq bloger Dımash týraly aıtty
ASTANA.KAZINFORM - Qytaılyq Li Yimei esimdi tanymal bloger otandasymyz, áıgili ónerpaz Dımash Qudaıbergenmen qalaı tanysqany týraly baıandap berdi.

Ol ánshimen bir baǵdarlamada jumys istegen jáne oǵan Dımash dombyra syılaǵan.
- Bárińizge sálem! Meniń esimim — Li Yimei. Men Dımashty óte jaqsy tanımyn jáne ol Qytaıda óte tanymal ánshi. Óıtkeni Dımash Qytaıdaǵy mýzykalyq teleshoýlar men baǵdarlamalarǵa jıi qatysady. Ol keremet ánshi jáne ony kóptegen adam jaqsy kóredi, - deıdi bloger.
Li Yimei Dımash qatysqan, kúzgi festıvalge arnalǵan telebaǵdarlamany jasaý qurmetine ıe bolǵanyn maqtanyshpen jetkizdi.
- Baǵdarlama kezinde biz kóp áńgimelesip, bir-birimizdi jaqynyraq tanydyq. Ol tipti maǵan qazaqtyń ulttyq aspaby — dombyrany syılady.
Súıikti dosymyz Dımash Qudaıbergenniń arqasynda men qazaq halqynyń mádenıetimen tanyspyn, - deıdi qytaılyq bloger.
Aıta keteıik, jaqynda Dımash Qudaıbergen jańa ániniń premerasyn jarııalady.