Ol kúni demalysta bolǵan: Kompanııa basshysy Ekibastuzda kóz jumǵan qyzmetker týraly

EKІBASTUZ. QazAqparat – «Ortalyq Azııa elektr energetıkalyq korporatsııasy» AQ basqarma tóraǵasy Baǵdat Oral 4 jeltoqsanda qaıtys bolǵan JEO ýchaske bastyǵyna qatysty pikir bildirdi, dep habarlaıdy QazAqparat tilshisi.

Brıfıng barysynda BAQ ókilderi Baǵdat Oralǵa «4 jeltoqsanda denesi tabylǵan «Ekibastuzjylýenergo» qyzmetkeri sol kúni jumysta boldy ma?» degen suraq qoıdy.

«Qaıtys bolǵan qyzmetker ol kúni jumys ornynda bolǵan joq. Ol demalysta bolǵan», - dep jaýap berdi «Ortalyq Azııa elektr energetıkalyq korporatsııasy» AQ basqarma tóraǵasy Baǵdat Oral.

Eske sala keteıik, buǵan deıin Ekibastuzdaǵy JEO ýchaske bastyǵynyń denesi garajdan tabylǵanyn habarlaǵan edik.

Aldyn ala boljam boıynsha, er adam áıelimen bolǵan janjaldan soń garajǵa ketip, sonda kóligin otaldyrǵan. Keıin ol uıyqtap qalyp, gazdan ýlanyp qalǵan bolýy múmkin.

Bul oqıǵaǵa túsinik bergen Pavlodar oblysynyń polıtsııa departamenti sotqa deıingi tergep-tekserý bastalǵanyn málim etti.

Quzyrly organ dereginshe, qaıǵyly jaǵdaı marqumnyń qyzmetine baılanysty emes.