Olgınkada túınemege qatysty karantın qashan alynady
NUR-SULTAN. QazAqparat - Búgin QR Aýyl sharýashylyǵy mınıstrliginde arnaıy baspasóz máslıhaty ótip, onda Aqmola oblysyndaǵy epızootıkalyq ahýal jaıy keńinen qozǵaldy, dep habarlaıdy QazAqparat tilshisi.
«Olgınka aýylynda barlyq mal basy baqylaýǵa alyndy. Mundaı oqıǵa 1998 jyly Olgınka aýylyna taqaý Nıkolaevka eldi ekeninde tirkelgen. Endi 15 kúnnen keıin Olgınka aýylyndaǵy karantındy alyp tastaımyz. Biraq, baqylaý jalǵasady», - dedi QR AShM Veterınarlyq baqylaý jáne qadaǵalaý komıtetiniń tóraǵasy Arman Óteǵulov.
Eske salaıyq, 16 tamyzda Aqmola oblysynyń Arshaly aýdanyna qarasty Olgınka aýylynda túınemege qatysty karantın jarııalandy. 5 turǵyn aýrýhanaǵa jatqyzylyp, qazir synamalar zerttelip jatyr. Aýrýhanada jatqandardyń jaǵdaıy turaqty. Olgınka aýylynda úı janýarlary arasynda indet belgisi anyqtalǵan joq.
