Olga Rypakova júldesi úshin ótken halyqaralyq týrnırdiń jeńimpazdary belgili boldy
ASTANA. QazAqparat - Olga Rypakovanyń júldesi úshin Óskemendegi «Olga Rypakova» jeńil atletıka kesheninde ótken V Halyqaralyq týrnırde 9 eldiń 102 atleti kúsh synasty, dep habarlaıdy QazAqparat altaynews.kz-ke silteme jasap.
Erler arasynda 60 metrge júgirýden Ýkraına sportshysy Sergeı Shmelık altyn medal aldy. Qazaqstandyq Aleksandr Kasper kúmis, Túrkııa ókili Ozkan Ertan qola medaldy qanaǵat tutty.
400 metrge júgirýden qazaqstandyq Mıhaıl Lıtvın 46,26 sekýnd kórsetkishimen ulttyq rekord ornatty.
800 metrge júgirýden ózbek sportshysy Hýrjıd Ahmadalıev birinshi keldi.
3000 metrge júgirýden qazaqstandyq Shadyraq Qımýtaı men Saıd Súleımenov jáne qyrǵyzstandyq atlet Danııar Arypbekov ózgelerden ozyp shyqty.
Qazaqstandyq sportshylar syryqpen sekirýden de tamasha nátıje kórsetti. Danıl Polıanskıı men Sergeı Grıgorev birinshi jáne ekinshi oryndardy ıelendi, úshinshi oryn ýkraın Ilıa Kravchenkoǵa buıyrdy.
60 metrge kedergiler arqyly júgirýden ýkraın sportshysy Bogdan Chornomazǵa eshkim básekeles bola almady. Qazaqstandyq Davıd Efremov pen Vıacheslav Zems keıingi oryndardy ıelendi.
Úsh qarǵyp sekirýden 1-oryn Armenııanyń atleti Levon Agasıanǵa buıyrdy. Túrik sportshysy Ozýpek Kan ekinshi, Belarýs ókili Dmıtrıı Platnıtskıı úshinshi boldy.
Uzyndyqqa sekirýden túrik sportshylary Demır Mýamer men Alper Kýlakzır kósh bastady. Qazaqstandyq Rınat Qaısarov úshinshi oryndy qanaǵat tutty.
Áıelder arasynda 60 metrge júgirýden Olga Safronova (Qazaqstan) - birinshi, Anna Býlanova (Qyrǵyzstan) - ekinshi, Rımma Kashafýtdınova (Qazaqstan) - úshinshi.
Al 400 metrge sprınt jarysynda Elena Mıhına, Svetlana Golendova ( ekeýi de - Qazaqstan) jáne Krıstına Pronchenkonyń (Tájikstan) mereıi ústem boldy.
60 metrge kedergi arqyly júgirýden Anna Chýbkovtsova (Ýkraına), Ekaterına Poplavskaıa (Belarýs), Áıgerim Shynazbekova (Qazaqstan) ózgelerden ozyq keldi.
Safına Sadýllaeva, Nadııa Dýsanova (ekeýi de - Ózbekstan), Nadejda Dýbovıtskaıa (Qazaqstan) bıiktikke sekirýden úzdikter tobynan kórinse, syryqpen sekirýden Polına Ivanova (ulttyq rekord, 3,90 m), ıAroslava Vıslobokova, ıAna Toıbaevanyń (barlyǵy - Qazaqstan) mereıi ústem boldy.
Úsh qarǵyp sekirýden Irına Ektova, Ekaterına Ektova, Marııa Ovchınnıkova (barlyǵy - Qazaqstan) júldeger atandy.
Al 4h200 metrge estafeta jarysynda birinshi jáne ekinshi oryndardy Qazaqstan komandalary ıelendi, úshinshi jáne tórtinshi oryn aralas komandalarǵa buıyrdy.
Jarys júldegerlerin oblys ákimi Danıal Ahmetov marapattady.
