Olga Rypakova. Jańa maýsymǵa jaqsy daıyndyq kerek
ÓSKEMEN. QazAqparat - Úsh qarǵyp sekirýden Qazaqstannyń Olımpıada chempıony Olga Rypakova 21 sáýirde Dohada (Katar) bastalatyn Azııa chempıonatyna daıyndalyp jatyr. Keshe sportshy Túrkııaǵa oqý-jattyǵý jıynyna ushyp ketti, dep habarlaıdy QazAqparat tilshisi.
«Jyl boıy belsendi daıyndaldyq. Álemniń eń myqty sportshylarynyń qataryna jas sportshylar da qosyldy. Sondyqtan, jaqsy daıyndyq kerek. Bıyl jeńil atletıka maýsymy óte uzaqqa sozylǵaly tur. 28 qyrkúıekte Dohada álem chempıonaty bastalady», - dedi Olga Rypakova.
Sportshynyń aıtýynsha, qarashaǵa deıin úzilis bolmaıdy.
«Bıyl eń uzaq maýsym bastalady. Ol sáýirdiń aıaǵynan qazannyń ortasyna deıin jalǵasady. Bizdiń kompanııa burynǵysha, oǵan Ispanııadan kelgen jas qyz qosylady. Ol qysqy Eýropa chempıonatynda jaqsy nátıje kórsete bildi. Baıyppen daıyndalyp jatyrmyz. Jıyn oıdaǵydaı, eshbir jaraqatsyz jáne problemasyz ótedi dep úmittenemin», - dedi O.Rypakova.
Avtory Lıýdmıla Malko
