Olga Rypakova jańa laýazymǵa ıe boldy
NUR-SULTAN. QazAqparat – QR jeńil atletıka federatsııasyna Azııa jeńil atletıka qaýymdastyǵynan jaǵymdy habar kelip tústi, dep habarlaıdy QazAqparat tilshisi.
Azııa jeńil atletıka qaýymdastyǵynan kelgen hatta London olımpıadasynyń chempıony Olga Rypakovanyń qurlyqtyq qaýymdastyq komıssııasyna múshe retinde qabyldanǵany habarlanǵan.
Oblystyq dene shynyqtyrý jáne sport basqarmasynyń baspasóz qyzmetiniń málimetine qaraǵanda, atalmysh qurlyqtyq Rypakovadan bólek ózbekstandyq Andreı Abdývalıe, qytaılyq Van ıÝ, úndistandyq P.T.Ýsha, malaızııalyq Lı Hýp Veı jáne saýdııalyq Saad Shaddad bar.
Qurlyqtyq jeńil atletıka qaýymdastyǵynyń tóraǵasy Dahlan Ál-Hamadtyń atynan uıymnyń bas hatshysy A.Shýggýmarran quttyqtaǵan.
«Sizdiń biliktiligińiz ben tájirıbeńiz Azııa qurlyǵynyń jeńil atletıkasyn órge súıreýge kómektesetinine senimim mol», - delingen hatta.
Buǵan deıin Qazaqstan jeńil atletıka federatsııasynyń bas hatshysy Ashat Seısembekov jarystar uıymdastyrý jónindegi komıssııanyń múshesi retinde qabyldanǵan bolatyn.
