Olga Rypakova «World Athletics» atletter komıssııasyna múshe boldy

NUR-SULTAN. QazAqparat – QR Qarýly Kúshteriniń maıory Olga Rypakova «World Athletics» atletter komıssııasyna múshe boldy. Ashyq daýys berý Halyqaralyq jeńil atletıka federatsııalary qaýymdastyǵy (IAAF) keńesiniń Monakodaǵy otyrysynda ótti. QazAqparat bul týraly QR Qorǵanys mınıstrligine silteme jasap habarlaıdy.

Olımpıada chempıony, QR Qorǵanys mınıstrligi Armııa ortalyq sport klýbynyń sportshysy Olga Rypakova atletter komıssııasyna taǵaıyndalýy týraly pikir bildirdi.

«World Athletics» atletter komıssııasyna múshe bolý – úlken abyroı. Óıtkeni, ol – jeńil atletıka uıymdary men jarystaryna basshylyq etetin joǵary organ. Onyń quramynda bolý – sportty jaqsartatyn usynystar aıtý múmkindigi. Ózge áriptesterimdi de osy komıssııaǵa múshe bolyp saılanýymen quttyqtaımyn. Biz birge kóp sharýa tyndyra alamyz. Ózime bildirilgen senimdi aqtap, elimizdiń atynan «World Athletics» quramynda laıyqty jumys isteýge barymdy salamyn», – dedi sportshy.

Aıta keteıik, «World Athletics» atletter komıssııasyna alty sportshy saılanady. Halyqaralyq jeńil atletıka federatsııalary qaýymdastyǵyna búginde álemdegi 212 el múshe.