Olga Rypakova Shanhaıdaǵy «Gaýhar lıgaǵa» shaqyrtý aldy
ASTANA. QazAqparat - Qazaqstannyń tuńǵysh kásibı jeńil atletıka klýbynyń úsh sportshysy 12 mamyrda Qytaıdyń Shanhaı qalasynda ótetin «Gaýhar lıgaǵa» shaqyrtý aldy, dep habarlaıdy QazAqparat.
QR Jeńil atletıka federatsııasynyń taratqan málimetterine súıensek, olardyń arasynda qazaqstandyq Olımpıada chempıony Olga Rypakova da bar. Alaıda, otandasymyzdyń atalǵan dodaǵa qatysý-qatyspaýy belgisiz. Óıtkeni sportshy áli tolyq babyna kelmegen.
Al ózge atletterden kenııalyq jelaıaqtar Nore Djırýto men Deızı Djepkımeı 3 000 metrge kedergiler arqyly júgirýden qatysady.
Shanhaı - «Gaýhar lıganyń» ekinshi kezeńin qabyldaıdy. Áıelder arasyndaǵy úsh qarǵyp sekirý men 3 000 metrge kedergiler arqyly júgirý osy kezeńde alǵash ret qosylady.
Aıta keteıik, «Gaýhar lıgaǵa» bıylǵy maýsymda Altay athletics klýbynan taǵy bir kenııalyq jelaıaq Karolın Kıpkırýı óner kórsetedi. Ol 5 000 metrge júgirýge beıimdelgen. Karolın 25-26 mamyrda AQSh-tyń ıÝdjın qalasynda ótetin kezeńge qatysady.
Byltyrǵy maýsymda Olga Rypakova fınalda úsh qarǵyp sekirýden jeńiske jetken. Karolın Kıpkırýı 5 000 metrge júgirýden ekinshi oryn aldy. Nora Djırýto 3 000 metrge kedergiler arqyly júgirýden qola júldeger bolǵan.
