Olga Rypakova Parıjde ótetin «Gaýhar lıgaǵa» qatysady
ASTANA. QazAqparat - London Olımpıadasynyń chempıony, Rıo Olımpıadasynyń qola júldegeri Olga Rypakova Parıj tórinde ótetin «Gaýhar lıga» dodasyna qatysady, dep habarlaıdy QazAqparat tilshisi.
QR UOK-niń baspasóz qyzmeti taratqan málimetke súıensek, atalǵan jarys 30 maýsym kúni ótedi.
Parıjdegi dodaǵa úsh qarǵyp sekirý sportyndaǵy ataqty atletterdiń bári qatysady. Olardyń arasynda 2017 jylǵy álem chempıony, venesýelalyq ıÝlımar Rohas bar. Rypakova Shanhaıdaǵy kezeńge qatyspaı, jarys jolyn Osloda bastady. Atalǵan synda jerlesimiz altynshy orynnan kóringen bolatyn.
Frantsııa astanasyna sporttyń bul túrindegi barlyq favorıtter jınaldy. Atap aıtar bolsaq, Olımpıada chempıony Katrın Ibargýen, mamyrda 14,84 metrge sekirgen amerıkalyq Torı Franklın syndy sportshylar Rypakovaǵa basty qarsylas bolmaq.
Oslodaǵy «Gaýhar Lıgasy» kezeńinde kolýmbııalyq Katrın Ibargýen jeńiske jetti.
