Olga Rypakova qatysatyn 2018 jylǵy «Gaýhar lıganyń» kezeńderi
ASTANA. QazAqparat - Qazaqstandyq Olımpıada chempıony Olga Rypakova qatysatyn 2018 jylǵy «Gaýhar lıganyń» kezeńderi qaı kúni ótetini belgili boldy, dep habarlaıdy QazAqparat tilshisi.
Bul týraly QR Jeńil atletıka federatsııasynyń resmı saıty Halyqaralyq jeńil atletıka federatsııalar qaýymdastyǵyna (IAAF) silteme jasap habarlady.
Jalpy «Gaýhar lıga» 14 kezeńnen turady. Onyń ishinde 12-si irikteý jáne sońǵy ekeýi Tsıýrıh (30 tamyz) jáne Brıýssel (31 tamyz) fınaldyq kezeń bolyp sanalady.
2017 jylǵy sekildi kelesi maýsymda da úsh qarǵyp sekirý «Gaýhar lıganyń» tórt kezeńinde qamtylǵan. Jerlesimiz aldymen 12 mamyrda Shanhaıǵa barady.
Rypakova qatysatyn «Gaýhar lıganyń» kezeńderi:
12 mamyr - Shanhaı (Qytaı);
7 maýsym - Oslo (Norvegııa);+
30 maýsym - Parıj (Frantsııa);
13 shilde - Rabat (Marokko);
30 tamyz - fınal, Tsıýrıh (Shveıtsarııa).
Aıta keteıik, bıyl 24 tamyzda Tsıýrıhte ótken fınaldyq kezeńde Olga Rypakova chempıon atanǵan bolatyn.
