Olga Rypakova Azıada oıyndarynda úsh qarǵyp sekirýden ǵana synǵa túsedi
ASTANA. QazAqparat - London Olımpıadasynyń chempıony Olga Rypakova 2018 jyly Azııa oıyndarynda tek qana bir baǵdarlama boıynsha - úsh qarǵyp sekirýden synǵa túsedi dep jazady Olympic.kz.
Qazirgi tańda tanymal sportshy Malaızııa astanasynda sońǵy oqý-jattyǵý jıyndaryn ótkizip jatyr. Rypakova bastaǵan jeńil atletter Djakartaǵa Kýala-Lýmpýrden ushyp ketedi.
«Búginde Malaızııa astanasy Kýala-Lýmpýrdegi sońǵy jıynymyz ótýde. Barlyǵy joǵary deńgeıde. Qatelespesem, 22 tamyz kúni ushamyz. Men tek qana úsh qarǵyp sekirýden baq synaımyn. Alda meni kóptegen jarystar kútip tur. Álem kýbogy bar... Sondyqtan, bir jarys baǵdarlamasy boıynsha medalǵa úmitker bolǵan durys. Onyń ústine, Azııa oıyndarynda aldyn ala sekirýler bolady. Eń bastysy - daıyndyq óte jaqsy ótýde», - deıdi Rypakova.
Eske sala keteıik, Olga Rypakova 2006 jyldan bergi sońǵy úsh Azııa oıyndarynda chempıon atanǵan bolatyn. Sondaı-aq, onyń enshisinde kúmis jáne qola medal da bar.
2018 jylǵy Azııa oıyndaryndaǵy jeńil atletter jarysy 25 tamyzda bastalady.
