Olga Rypakova altyn úshin talasa ala ma
ASTANA. QazAqparat - Olımpıada chempıony Olga Rypakovanyń jeńil atletıkadan Qazaqstan chempıonatynda qol jetkizgen kórsetkishi álem boıynsha eń úzdik nátıje bolyp otyr, dep habarlaıdy QazAqparat tilshisi QR Jeńil atletıka federatsııasynyń baspasóz qyzmetine silteme jasap.
Chempıonnyń ákesi ári bapkeri Sergeı Alekseevtiń aıtýynsha, Olga baryn salyp, sekirgen joq. Ádettegi jattyǵýlarǵa qatysqandaı boldy. Degenmen, ekinshi múmkindigin oryndaǵanda birden 14.45 metrge sekirdi. Búginde atalǵan kórsetkish álem boıynsha úzdik nátıje bolyp sanalady. «Osy maýsymda brazılııalyq Nýbııa Sýares 14.35 metrdi kórsetse, ıAmaıkanyń atleti Kımberlı Ýılıams 14.32 metrmen shektelip otyr. Al 2016 jylǵy Olımpıadanyń kúmis júldegeri ıÝlımar Rohastyń qazirgi nátıjesi - 13.95 metr. Bul álem boıynsha toǵyzynshy kórsetkish», - delingen federatsııanyń resmı habarlamasynda.
Osylaısha, Olga Rypakova birden normatıvti (14 metr) oryndap, 4-13 tamyzda Londonda ótetin Álem chempıonatyna joldama aldy. Oǵan deıin qazaqstandyq atlet 8 maýsymda Rımde bolatyn Gaýhar lıgasyna qatysady.
Aıta keteıik, ótken jyly Brazılııanyń Rıo-de-Janeıro qalasynda ótken Olımpıada oıyndarynda Olga Rypakova qola júldeni ıelengen bolatyn. Onyń sol kezdegi kórsetkishi - 14 metr 73 santımetr. Kolýmbııalyq Katrın Ibargýen bolsa, 15 metr 17 santımetrge sekirip, altyn alqany jeńip aldy. Al Venesýeladan kelgen ıÝlımar Rohas (14.87 metr) ekinshi orynnan kórindi.
