Olga Kabanıýk: «Men Islam dinin qabyldaǵanyma óte qýanyshtymyn»
ASTANA. 15 tamyz. QazAqparat - Keshegi Qadir túninde «Áziret Sultan» meshiti elordadaǵy osy meshitke kelip musylmanshylyqty qabyldaǵan ózge ult ókilderine aýyzashar uıymdastyrdy.
Eske salsaq, ıslamdy qabyldap, Alla bir, Muhammed onyń elshisi dep kýálik etken jandardyń bári - názik jandylar. Olardyń esimderi - Olga Kabanıýk, Ekaterına Chevıachına, Olga Lagýtına, Elena Mýhatova. «Áziret Sultan» meshitine kelip tilin kálımaǵa keltirgen Olga Kabanıýk: «Men Islam dinin qabyldaǵanyma óte qýanyshtymyn. Qazirgi ýaqytta ıslamǵa qatysty ádebıetterdi kóp oqyp, bilimimdi tereńdetýdemin. Endigi paryzym - namazdy bastaý», - dedi aǵynan jarylyp. Osy qyzdarǵa arnap berilgen aýyzasharda meshit ujymy «ıslam qarlyǵashtaryna» syı-sııapat úlestirdi.
