«Oqjetpes» Shveıtsarııa men Vengrııanyń úzdik komandalarymen kezdesedi
KÓKShETAÝ. QazAqparat - Premer lıgada óner kórsetetin kókshetaýlyq "Oqjetpes" fýtbol komandasy 2019 jylǵy maýsymǵa daıyndyq sheńberinde alǵashqy oqý-jattyǵý jıynyn bastap ketti, dep habarlaıdy QazAqparat tilshisi.
Qazaqstandyq jas maman Andreı Karpovıch bastaǵan kókshetaýlyq fýtbol klýby qańtardyń 7-21 kúnderi aralyǵynda oqý-jattyǵý jıynyn ótkizý úshin Túrkııanyń Beleke qalasyna bardy.
Onda klýb Shveıtsarııa jəne Vengrııanyń úzdik komandalarymen joldastyq kezdesýler ótkizýdi josparlap otyr.
Eń birinshi Túrkııanyń ekinshi lıgasynda óner kórsetetin ystanbuldyq "Saryer" fýtbol komandasy kókshetaýlyqtarǵa qarsy oınaıdy. Bul kezdesý qańtardyń 10-na josparlanyp otyr. Al, qańtardyń 13-de "Oqjetpes" oıynshylary Shveıtsarııanyń sýper lıgasynda oınaıtyn 2 dúrkin el chempıony jəne 13 dúrkin el kýboginiń ıegeri "Son" klýbymen kúsh synasady. Bul komandaǵa kezinde Məskeýdiń "Spartak" jəne Shveıtsarııanyń "Bazel" klýbtaryn jattyqtyrǵan jas maman Mýrat ıAkın jetekshilik etedi.
Sonymen qatar, kókshetaýlyq klýb qańtardyń 17 jəne 20 kúnderi Majarstannyń "Akvıtalom" jəne "Haladash" komandalarymen joldastyq kezdesý ótkizip, oqý-jattyǵý jıynyn qorytyndylaıdy.
Aıta keteıik, osyǵan deıin habarlaǵanymyzdaı Andreı Karpovıch Kókshetaýdyń «Oqjetpes» fýtbol klýbynyń bas jattyqtyrýshysy bolyp taǵaıyndalǵan bolatyn. 37 jastaǵy bapker uzaq jyldar boıy birqatar otandyq klýbtarda, sonyń ishinde «Qaıratta» da oınaǵan.
2017 jyly almatylyq «Qaırat» fýtbol klýbynyń bas jattyqtyrýshysynyń kómekshisi, keıin bas jattyqtyrýshynyń mindetin atqarýshy boldy. «Qaırat» fýtbol klýbynyń sapynda 2018 jylǵy maýsymda Qazaqstan kýboginiń ıegeri atandy.
Karpovıchpen birge "Oqjetpes" fýtbol klýbynyń jattyqtyrýshylar shtabyna Sergeı Labodovskıı, Borıs Glýshkov, Aleksandr Olhov, Evgenıı Valentıýkevıch jəne Magomed Nozadze sııaqty tanymal mamandar enip otyr.
