«Oqjetpes» shıpajaıynda jasandy ıntellektige negizdelgen dıagnostıka bar
QR Prezıdenti Іs basqarmasy Medıtsınalyq ortalyǵynyń «Oqjetpes» sanatorııi bolashaq medıtsınasyna nyq qadam basyp, zamanaýı tehnologııalar men ınnovatsııalyq saýyqtyrý ádisterin kezeń-kezeńimen engizip keledi.
Kópjyldyq klınıkalyq tájirıbeni, tabıǵı emdik resýrstardy jáne ozyq medıtsınalyq sheshimderdi ushtastyra otyryp, «Oqjetpes» elimizdegi sanatorıı-kýrorttyq emdeýdiń jańa standartyn qalyptastyrýda.
Sanatorıı damýynyń negizgi baǵyttarynyń biri — jasandy ıntellektti qoldana otyryp júrgiziletin keshendi dıagnostıka. «Oqjetpeste» zamanaýı AI-dıagnostıka tehnologııasy, ıaǵnı arnaıy AI-stantsııalar kezeń-kezeńimen engizilip keledi. Bul júıe aǵzanyń negizgi júıeleriniń fýnktsıonaldyq jaı-kúıin qysqa ýaqytta, dál ári ınvazıvsiz baǵalaýǵa múmkindik beredi.
Densaýlyq salasyndaǵy jasandy ıntellekt
AI-dıagnostıka — bıometrııalyq jáne fızıologııalyq derekterdiń aýqymdy kólemin taldaıtyn ıntellektýaldy júıe. Qysqa ýaqyt ishinde patsıenttiń:
· júrek-qantamyr,
· júıke,
· tynys alý,
· tirek-qımyl jáne ózge de aǵza júıeleriniń jaǵdaıyna keshendi baǵa beriledi.
Sonymen qatar, dıagnostıka barysynda:
· dene quramyna taldaý jasalady (bulshyqet, maı tinderi, sý balansy);
· stress deńgeıi men vegetatıvtik júıke júıesiniń jaǵdaıy anyqtalady;
· fýnktsıonaldyq jáne bıologııalyq jas esepteledi;
· yqtımal qaýip faktorlary men jasyryn fýnktsıonaldyq aýytqýlar aıqyndalady.
Emshara uzaqtyǵy — 10–20 mınýt; Aýyrtpaıdy jáne arnaıy daıyndyqty qajet etpeıdi;
Alynǵan derekter dáriger tarapynan emdeý-ońaltý baǵdarlamasyn túzetý úshin qoldanylady.
Dıagnostıkanyń maqsaty:
AI-dıagnostıka kelesi múmkindikterdi beredi:
· emdik jáne saýyqtyrý protsedýralarynyń jeke keshenin irikteý;
· sanatorıılik emge deıingi jáne keıingi aǵza jaǵdaıyn baǵalaý;
· ońaltý jáne aldyn alý baǵdarlamalarynyń tıimdiligin arttyrý;
· árbir qonaqqa jeke qamqorlyq kórsetý.
«Oqjetpestegi» dıagnostıkanyń artyqshylyqtary:
· zamanaýı tsıfrlyq tehnologııalar men ıntellektýaldy derekter taldaýy;
· densaýlyqty baǵalaýdaǵy keshendi tásil;
· dıagnostıkalyq nátıjelerdiń emdeý-ońaltý úderisine tolyq ıntegratsııalanýy;
Jasandy ıntellekt júrgizilgen taldaý negizinde shıpajaı dárigerleri árbir qonaqtyń qajettiligine saı keletin jeke saýyqtyrý baǵdarlamasyn ázirleýge kómektesedi.
Ádis ınvazıvsiz, emdelýshi úshin qolaıly jáne aýrýdyń aldyn alý men erte anyqtaý mańyzdy sanalatyn qazirgi profılaktıkalyq medıtsına talaptaryna tolyq saı keledi.
Tehnologııa men dástúrli medıtsınanyń úılesimi
«Oqjetpes» shıpajaıy tsıfrlyq sheshimdermen qatar, zamanaýı jáne dástúrli medıtsınanyń úzdik jetistikterin biriktirgen keshendi saýyqtyrý tásilin basym baǵyt retinde ustanady.
Sanatorııde aǵzanyń ishki tepe-teńdigin qalpyna keltirýge negizdelgen qytaı medıtsınasy baǵyttary belsendi damyp keledi. Qonaqtarǵa ishki protsesterdi úılestirýge, ımmýnıtetti nyǵaıtýǵa jáne ómirlik energııany qalpyna keltirýge baǵyttalǵan emsharalar usynylady.
Sonymen qatar, «Oqjetpeste» tómendegi emdik ádister keńinen qoldanylady:
· qabynýǵa qarsy jáne qalpyna keltirý áserimen tanymal naftalan protsedýralary;
· aǵzany nyǵaıtýǵa arnalǵan tabıǵı bıologııalyq belsendi zattarǵa negizdelgen pantamen emdeý;
· jambas túbi bulshyqetterin nyǵaıtyp, ómir sapasyn arttyrýǵa baǵyttalǵan ınnovatsııalyq «Kegel taqtasy» protsedýrasy.
Emdeý-saýyqtyrý baǵytyndaǵy medıtsınanyń bolashaǵyna kózqaras
Dıagnostıkalyq úderisterge jasandy ıntellektti engizý — «Oqjetpes» sanatorııiniń strategııalyq damýynyń mańyzdy bóligi. Shıpajaı aldaǵy ýaqytta da damýyn jalǵastyryp, álemdik úzdik tájirıbelerdi engize otyryp, ǵylymǵa, ınnovatsııaǵa jáne senimge negizdelgen zamanaýı medıtsınalyq-saýyqtyrý ortalyǵy retindegi mártebesin nyǵaıta bermek.
Aıta keteıik, Prezıdenttiń is basqarmasy Medıtsınalyq ortalyǵynyń aýrýhanasy ulttyq akkredıtteýdiń joǵary sanatyna ıe boldy.