«Oqjetpes» Serbııa chempıonatynda oınaıtyn klýbty tas-talqan etti
ASTANA. QazAqparat - Qazaqstan Premer-lıgasyna oralǵan «Oqjetpes» Serbııa chempıonatynda oınaıtyn klýbty iri eseppen jeńdi, dep habarlaıdy QazAqparat «SPORTINFORM» SAA-ǵa silteme jasap.
Kókshetaýlyqtar o basta Makedonııa chempıonatynyń ókilimen oınaýy tıis bolatyn. Biraq match aldynda qarsylas almasyp, Andreı Karpovıch shákirtteri Serbııa chempıonatyndaǵy ortanqol komandalardyń biri «Proletermen» kezdesti. Jaýapsyz úsh gol soqqan «Oqjetpes» aıqyn basymdyqpen jeńiske jetti. Goldardy Sanat Jumahanov, Azat Ersálimov jáne synaqta júrgen grýzın oıynshysy Georgı Býhaıdze soqty.
Aıta keteıik, «Oqjetpes» Túrkııadaǵy ekinshi oqý-jattyǵý jıyndaryna kiristi. Bul osy jıyn aıasyndaǵy alǵashqy kezdesý bolatyn.
