«Oqjetpes» Premer-lıgadaǵy alǵashqy oıynyn jeńispen bastady

ASTANA. QazAqparat – Búgin fýtboldan Premer-lıga komandalary arasyndaǵy el birinshiliginiń 1-týryndaǵy ekinshi oıyn kúni. Kókshetaýdyń «Oqjetpesi» syrt alańda Túrkistan oblysynyń «Maqtaralyn» jeńdi, dep habarlaıdy QazAqparat tilshisi.

Kókshetaýlyq komanda byltyr birinshi lıgada jeńimpaz atanyp, bıyl Premer-lıgaǵa qaıta oraldy. Alǵashqy kezdesýinde jeńiske jetý jolyn izdedi.

«Oqjetpes» sapynan 29-mınýtta Shoqan Abzalov soqqan jalǵyz gol oıyn taǵdyryn sheshti. Osylaısha, kókshetaýlyq komanda Premer-lıgadaǵy birinshi kezdesýin jeńispen bastap, qarsylasynan 1:0 esebimen basym tústi.

Aıta ketsek, 4 naýryzda el birinshiliginiń alǵashqy týrynda «Ordabasy» óz alańynda «Kaspııden», «Tobyl» «Aqsýdan», «Astana» «Shahterden» basym tússe, «Aqtóbe» syrt alańda «Jetisýdy» súrindirdi.

Dál qazir «Qaırat» (Almaty) pen «Atyraý» kezdesýi ótip jatyr. Al, elorda ýaqytymen 19.00-de «Qaısar» (Qyzylorda) men «Qyzyljar» (Petropavl) jasyl alańǵa shyǵady.

Foto: Qazaqstan kásipqoı fýtbol lıgasy vıdeosynan