«Oqjetpes» pen «Shahter» teń nátıjege qanaǵat bildirdi
ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 7-týrynda taǵy bir oıynnyń nátıjesi belgili boldy, dep habarlaıdy QazAqparat tilshisi.
Ekinshi oıyn kúniniń alǵashqy kezdesýinde Kókshetaýdyń «Oqjetpesi» men Qaraǵandynyń «Shahteri» sheberlik baıqasty.
Birinshi kezeńde komandalar bir-biriniń qaqpasyna jıi shabýyl uıymdastyrdy. Degenmen tablodaǵy esep ózgergen joq.
Ekinshi kezeńde de fýtbolshylar gol soǵatyn múmkindik izdedi. Olardyń tepken doby kózdegen nysanaǵa dál jetpeı jatty. Oıynnyń 92-mınýtynda «Oqjetpes» oıynshysy Ivan Brıkner mergendik tanytsa, oǵan 99-mınýtta «Shahter» sapynan Rodjer Kanıas penaltıden bir golmen jaýap qaıyrdy.
Osylaısha komandalar 1:1 esebine qanaǵat bildirdi.
Endi 16:00-de «Atyraý» men «Aqsý» (Pavlodar oblysy), «Tobyl» (Qostanaı) men «Aqtóbe», 18:00-de «Qaırat» (Almaty) pen «Ordabasy» (Shymkent), 20:00-de «Qaısar» (Qyzylorda) men «Astana» jasyl alańǵa shyǵady.
Eske salsaq, 22 sáýirde «Maqtaral» óz alańynda «Jetisýdan» jeńilip qalsa , «Qyzyljar» men «Kaspıı» 1:1 esebine qanaǵat bildirdi.
Al segizinshi týr oıyndary 6 jáne 7 mamyr kúnderine belgilengen.
