«Oqjetpes» pen «Qaısar» oıandy!
ASTANA. 23 sáýir. QazAqparat - Fýtboldan el birinshiliginiń 7-týrynda kútpegen qos nátıje tirkeldi. «Alaman» sport agenttiginiń málimetinshe,
jurt aýtsaıder dep qatardan syzyp tastaǵan «Qaısar» men «Oqjetpes» jeńiske jetti. Kósh sońyndaǵy qos komanda tizgin basyndaǵylardy tize búktirdi.
«Qaısar» óz alańynda «Ertisti» utsa (2:0), «Oqjetpes» elordada «Astananyń» adymyn ashtyrǵan joq - 4:1. Bul eki komandanyń bıylǵy birinshiliktegi alǵashqy jeńisteri.
«Taraz» óz alańynda «Ordabasyny» utty - 2:1. Dál osyndaı eseppen «Aqjaıyq» syrt alańda «Jetisýdi» jeńdi. Almatyda «Suńqar» men «Tobyl» teń tarqasty - 0:0.
«Shahter» syrt alańda «Atyraýdan» basym tústi - 2:0. «Qaırat» syrt alańda «Aqtóbemen» upaı bólisti - 1:1.
