«Oqjetpes» óz alańynda «Astanadan» utylyp qaldy
KÓKShETAÝ. QazAqparat - Fýtboldan Qazaqstan chempıonatynyń keıinge qaldyrylǵan 25-shi týrynda kókshetaýlyq «Oqjetpes» óz alańynda elordalyq «Astanany» qabyldap, 0:1 esebimen utyldy, dep habarlaıdy QazAqparat tilshisi.
Matchtyń taǵdyryn alǵashqy taımda «Astana» qorǵaýshysy ıÝrıı Logvınenkonyń soqqan jalǵyz goly sheshti. Jalpy, alǵashqy taımda qos komanda da gol soǵý múmkindikteri boldy. Á degennen qonaqtardyń basymdyǵy anyq kórinip turdy. Alań ıeleriniń shabýylyna ótkirlik jetispedi. Al, qonaqtar jıi shabýyl uıymdastyryp, «Oqjetpes» qaqpasyn torýyldaýmen boldy. Elordalyqtar uıymdastyrǵan shabýyldardyń birinde ıÝrııdiń shalqalaı tepken doby alań ıeleriniń qaqpasynan tabyldy.
Ekinshi taımda qos komanda da saqtyq tanytyp, utymdy sátterde ǵana shabýyl uıymdastyryp turdy. Soǵan qaramastan eki komandanyń shabýylshylaryna da gol soǵatyn tamasha múmkindikter boldy. Biraq qorǵaýshylary tabandylyq tanytty. Nátıjesinde tablodaǵy esep aıyrmasy ózgergen joq. Kezdesý 0:1 esebimen astanalyqtardyń paıdasyna sheshildi.
